அல்லதை நினைப்பது அழிவாற்றல்…!

நினைவில் நிற்கும் வரிகள்:

***

நமது வெற்றியை நாளை சரித்திரம் சொல்லும்
இப்படை தோற்கின் எப்படை வெல்லும்
நீதிக்கு இது ஒரு போராட்டம்
இதை நிச்சயம் உலகம் பாராட்டும்.

(நமது வெற்றியை…)

வல்லோர்கள் சுரண்டும் பொல்லாத கொடுமை
இல்லாமல் மாறும் பொருள் தேடி
அன்று இல்லாமை நீங்கி எல்லோரும் வாழ
இந்நாட்டில் மலரும் சமநீதி
நம்மை ஏய்ப்பவர் கையில் அதிகாரம்
இருந்திடும் என்னும் கதை மாறும்.

(நமது வெற்றியை…)

ஆற்றலும் அறிவும் நன்மைகள் ஓங்க
இயற்கை தந்த பரிசாகும்
இதில் நாட்டினைக் கெடுத்து நன்மையை அழிக்க
நினைத்தால் எவர்க்கும் அழிவாகும்
நல்லதை வளர்ப்பது அறிவாற்றல்
அல்லதை நினைப்பது அழிவாற்றல்…

(நமது வெற்றியை…)

– 1973-ல் எம்.ஜி.ஆர் நடித்து வெளிவந்த ‘உலகம் சுற்றும் வாலிபன்’ திரைப்படத்திற்காக புலவர் வேதா எழுதிய பாடல் வரிகள்.