10, +2 பொதுத்தேர்வு முடிவு 20-ம் தேதி வெளியீடு!

Last updated Jun 17, 2022

கடந்த மே மாதம் 10, 12-ம் வகுப்பு பொதுத்தேர்வு நடந்து முடிந்தது. தமிழ்நாடு மற்றும் புதுச்சேரியில் இருந்து 17 லட்சத்துக்கு 92 ஆயிரத்து 450 பேர் எழுத விண்ணப்பித்துருந்த நிலையில், சுமார் 16 லட்சத்து 50 ஆயிரத்து மாணவ, மாணவிகள் தேர்வு எழுதினர்.

அதன்பின் மாணவர்களின் விடைத்தாள்கள் பாதுகாப்பாக வைக்கப்பட்டு, கடந்த 1-ம் தேதி முதல் விடைத்தாள்கள் திருத்தும் பணி தமிழ்நாடு முழுவதும் நடந்தது.

அதன்படி, கடந்த 9-ம் தேதியுடன் அந்த பணிகளும் முடிந்து, மாணவ-மாணவிகள் பெற்ற மதிப்பெண்களை தேர்வுத்துறை அதிகாரிகள் சரிபார்த்து, தேர்வுத்துறையின் இணையதளத்தில் பதிவேற்றம் செய்தனர்.

ஏற்கனவே பொதுத்தேர்வு தொடர்பான அட்டவணை வெளியிட்ட நேரத்தில், 10-ம் வகுப்புக்கு ஜூன் 17-ந்தேதியும் (இன்றும்), 12-ம் வகுப்புக்கு ஜூன் 23-ம் தேதியும் (வியாழக்கிழமையும்) பொதுத்தேர்வு முடிவுகளை வெளியிட அரசு தேர்வுத்துறை திட்டமிட்டு இருந்தது.

இந்த நிலையில், தற்போது அந்த தேதிகளில் வெளியிடாமல், 10, 12-ம் வகுப்புக்கு ஒரேநாளில் பொதுத்தேர்வு முடிவுகளை வெளியிட தேர்வுத்துறை முடிவுசெய்து அதற்கான தேதியை நேற்று அறிவித்தது.

சினிமாத்தனம் இல்லாத ‘அகரம்’ விழா!

Jul 25, 2024

கல்வியே வறுமையை ஒழிக்கும் மருந்து!

Jul 18, 2024

இதுதொடர்பாக அரசு தேர்வுகள் இயக்ககம் வெளியிட்டுள்ள செய்திக்குறிப்பில், “12-ம் வகுப்பு பொதுத்தேர்வு முடிவு வரும் 20-ம் தேதி (திங்கட்கிழமை) காலை 9.30 மணிக்கும், 10-ம் வகுப்பு தேர்வு முடிவை அதே 20-ம் தேதி பகல் 12 மணிக்கும் வெளியிடப்பட உள்ளது.

தேர்வு முடிவுகளை www.tnresults.nic.in, www.dge1.tn.nic.in, www.dge2.tn.nic.in, www.dge.tn.gov.in என்ற இணையதளங்களில் மாணவர்கள் சென்று தங்களுடைய பதிவெண் மற்றும் பிறந்த தேதி ஆகியவற்றை பதிவு செய்து தெரிந்து கொள்ளலாம்.

ஒவ்வொரு மாவட்டத்திலும் மாவட்ட ஆட்சியர் அலுவலகத்தில் இயங்கும் தேசிய தகவலியல் மையங்களிலும் அனைத்து மைய மற்றும் கிளை நூலகங்களிலும் கட்டணமின்றி தேர்வு முடிவுகளை அறிந்து கொள்ள வழிவகை செய்யப்பட்டுள்ளது.

மேலும், பள்ளி மாணவர்கள் தாங்கள் படித்த பள்ளிகளிலும் மதிப்பெண்களுடன் கூடிய தேர்வு முடிவுகளை அறிந்து கொள்ளலாம்.

இதுதவிர, பள்ளி மாணவர்களுக்கு அவர்கள் படித்த பள்ளிகளில் சமர்ப்பித்த உறுதிமொழி படிவத்தில் குறிப்பிட்டுள்ள செல்போன் எண்ணுக்கும், தனித் தேர்வர்களுக்கு ஆன்லைனில் விண்ணப்பிக்கும்போது வழங்கிய செல்போன் எண்ணுக்கும் குறுஞ்செய்தி வாயிலாக தேர்வு முடிவுகள் அனுப்பப்படும் எனத் தெரிவிக்கப்பட்டுள்ளது.