எதிர்பார்ப்பு இல்லாத அன்பு சாத்தியமா?
நூல் அறிமுகம்: அசடன்
தஸ்தாயெவ்ஸ்கி நாவல்களில் எனக்கு மிகவும் பிடித்த நாவல் அசடன். கரமசோவ் சகோதரர்கள் நாவலில் மனித மனதின் இருண்மையை பேசிய தஸ்தாயெவ்ஸ்கி இந்த நாவலில் மீட்சியைப் பேசுகிறார்.
எந்த எதிர்பார்ப்பும் இல்லாமல் ஒரு மனிதன் அனைவரோடும் அன்பு செலுத்தி வாழ்வதற்கு ஏன் அனுமதிக்கப்பட மறுக்கிறான் என்ற தஸ்தாயெவ்ஸ்கியின் கேள்வி இன்றும் பதிலற்றே இருக்கிறது.
அசடன் நாவல் அன்பின் பிரகாசத்தை ஒளிரச்செய்யும் அற்புதப் படைப்பு. இதிகாசத்தைப் போல வாழ்வின் மேன்மைகளைச் சொல்லும் ஒரு உயர்ந்த நாவல்.
நான்கு முறை இந்த நாவல் படமாக்கப்பட்டுள்ளது. ஜப்பானிய இயக்குநர் அகிரா குரசோவா அவரது பார்வையில் இதைப் படமாக்கியிருக்கிறார்.
இந்தியாவின் மிக முக்கிய இயக்குநரான மணிக்கௌல் இதை இந்தியில் தொலைக்காட்சிக்கான குறும்படமாக உருவாக்கியிருக்கிறார். ஆங்கிலத்தில் பனிரெண்டு வேறுபட்ட மொழிபெயர்ப்புகள் இந்த நாவலுக்கு உள்ளன.
– எஸ். ராமகிருஷ்ணன்
**********
நாவல் : அசடன் | The Idiot
ஆசிரியர்: தஸ்தயேவ்ஸ்கி / Fyodor Dostoevsky
தமிழில் : எம்.ஏ.சுசீலா
நற்றிணை பதிப்பகம்
விலை: ரூ.1,250/-