காதலர் தினத்தில் மீண்டும் வெளியாகும் ‘96’!

பிரேம் குமார் இயக்கத்தில் கடந்த 2018 ஆம் ஆண்டு அக்டோபர் மாதம் வெளியான திரைப்படம் ’96’.

விஜய் சேதுபதி, த்ரிஷா, திவ்யதர்ஷினி, கௌரி, ஜனகராஜ் உள்ளிட்டோர் நடித்திருந்தனர்.

பள்ளி காலத்தில் வந்த கை கூடாத காதலை இந்தப்படம் அழகாக சித்தரிந்திருந்தது. பலருக்கும் அவர்களின் பள்ளிக் காதலையும், கல்லூரி நினைவுகளையும் மீட்டெடுத்தது. கோவிந்த் வசந்த் இசையமைத்திருந்தார்.

மெட்ராஸ் எண்டர்பிரைசஸ் நிறுவனம் சார்பில் நந்தகுமார் தயாரித்திருந்தார். 15 கோடி ரூபாய் பட்ஜெட்டில் உருவான இந்தப்படம் ரசிகர்களின் அமோக வரவேற்பை பெற்றதால், 50 கோடி ரூபாயை தாண்டி வசூலித்தது.

இந்நிலையில், இந்தத் திரைப்படம் காதலர் தினமான பிப்ரவரி 14-ம் தேதி திரையரங்குகளில் மறுவெளியீடு செய்யப்பட உள்ளது.

சேலம் சுந்தரம் பிக்சர்ஸ் நிறுவனம், தமிழகம் முழுவதும் இந்தப் படத்தை திரையிடுகிறது. டிக்கெட் முன்பதிவு விறுவிறுப்பாக நடைபெற்று வருகிறது. சென்னை சிட்டி சென்டர் ஐநாக்ஸில் பெரும்பாலான டிக்கெட்டுகள் விற்று தீர்ந்துவிட்டன.

• பாப்பாங்குளம் பாரதி.

#காதலர் தினம் #Valentines day #96 திரைப்படம் மறுவெளியீடு #96 MovieRe Release #பிரேம் குமார் #Prem Kumar #விஜய் சேதுபதி #Vijay Sethupathy #த்ரிஷா #Trisha #திவ்யதர்ஷினி #கௌரி #ஜனகராஜ் #divyadharshini #gowri #janagaraj