கலகத் தலைவன் படம் மாபெரும் வெற்றிபெறும்!

நடிகர் உதயநிதி நம்பிக்கை

ரெட் ஜெயன்ட் மூவிஸ் தயாரிப்பில் நடிகர் உதயநிதி ஸ்டாலின் நடிப்பில் இயக்குநர் மகிழ் திருமேனி இயக்கியுள்ள திரைப்படம் கலகத் தலைவன் படத்தின் இசை மற்றும் டிரெய்லர் வெளியீட்டு விழா நடைபெற்றது.

அதில் படக்குழுவினருடன் திரை பிரபலங்கள் மற்றும் பத்திரிகையாளர்கள் பங்கேற்றனர். சில பிரபலங்களின் பேச்சுகலில் இருந்து.

இயக்குனர் பிரதீப் ரங்கநாதன்:

டிரெய்லர் மிகவும் சிறப்பாக இருக்கிறது. மகிழ் திருமேனி சாருடைய படத்திற்கு நான் எப்பொழுதும் ரசிகன். இந்த படம் பெரிய வெற்றியடைய எனது வாழ்த்துகளை தெரிவித்துக்கொள்கிறேன்.

இயக்குனர் சுந்தர் சி:

இயக்குனர் மகிழ் திருமேனி உடைய  திரைக்கதைக்கு நான் பெரிய ரசிகன்.  அவரது தடம் படம் எனக்கு மிகவும் பிடிக்கும். உதய் சார் உடன் பணியாற்ற முயற்சித்திருக்கிறேன், ஆனால் அது நடைபெறவில்லை. அவருடைய திரைப்பயணத்துக்கு எனது வாழ்த்துகள்.

நடிகர் அருண் விஜய்:

இயக்குநர் மகிழ் திருமேனியின் எழுத்துக்கு நான் எப்பொழுதும் ரசிகன். அவர் நிறைய நுணுக்கங்களை படத்தில் சேர்ப்பார்.

இந்தப் படம் கண்டிப்பாக அவருடைய அர்பணிப்புக்கு பெரிய வெற்றியை கொடுக்கும். உதயநிதி சாருக்கு இந்த படம் புது பரிணாமமாக இருக்கும்.  அவருக்கு இந்த படம் மிகப்பெரிய வெற்றிபடமாக அமையும்.

இயக்குனர் மிஷ்கின்:

உதய்யுடன் பயணித்தது  மிகச்சிறந்த அனுபவமாக இருந்தது. உதயநிதியை திரையில் அறிமுகப்படுத்த வேண்டியது நான் தான். ஆனால் அது நடக்கவில்லை. அவருடன் சைக்கோவில் பணிபுரிந்தேன், அவர் பணிவில் மிகச்சிறந்த நபர். அர்ப்பணிப்பான நபர். அவர் தொடர்ந்து படங்கள் செய்யவேண்டும்.

இயக்குனர் மகிழ் திருமேனி:

உதயநிதி எப்பொழுதும் பணிவாக இருக்கக்கூடிய நபர்,  அதனால்தான் அவர் இந்த உயரத்தில் இருக்கிறார். 

இந்த 10 ஆண்டுகளில் தொடர்ந்து பல படங்களில் வித்தியாசமான பல கதாபத்திரங்களை ஏற்று அதை நம்பும்படி உருவாக்கியுள்ளார். இந்த படமும் அப்படி தான் இருக்கும். இந்த படம் உங்களை ஏமாற்றாது.                    உதயநிதி ஸ்டாலின்:

மகிழ் திருமேனி இந்த திரைப்படத்தை செதுக்கி இருக்கிறார். அவர் நிறைய நேரம் செலவழித்து, சிறப்பான காட்சிகளை தொகுத்து உருவாக்கினார். 

இந்த படத்திற்கு பெரிய உழைப்பும், அர்பணிப்பும் கொடுத்துள்ளோம். இயக்குனர் மகிழ் திருமேனி சிறப்பான படத்தை உருவாக்கியுள்ளார். இந்தப் படம் வெற்றிபெறும் என்ற நம்பிக்கை இருக்கிறது.