பாரம்பரிய முறைகளே என்றும் நிலையானது!

பசுமைப் புரட்சி, சுற்றுச்சூழல் பாதுகாப்பு மற்றும் இயற்கை விவசாயம், இயற்கையான உணவு முறை தொடர்பாக தொடர்ந்து பல்வேறு ஆக்கபூர்வமான கருத்துக்களை விவசாயிகளிடையே பரப்பி வந்த இயற்கை விவசாய விஞ்ஞானி நம்மாழ்வாரின் பிறந்தநாளையொட்டி (ஏப்ரல் – 6, 1938) அவரது சில பொன்மொழிகள்.

• இயற்கை விவசாயம் என்பதன்
  அடிப்படை இயற்கையுடன்
  இணைந்த உணவு உற்பத்தி.

• பகுத்துண்டு பல்லுயிர் ஓம்புதல்
  என மனிதனை மட்டும்
  உயிராகப் பார்க்காமல்
  எல்லாவற்றையும் நம்மோடு
  அரவணைத்துக் கொள்வதே
  ஆன்மீகப் பார்வை.

• விவசாயம் என்பது
  வியாபாரம் அல்ல
  வாழ்க்கை முறை.!

• பூச்சி தாக்காத பாரம்பரிய
  ரகங்களை பயிர் செய்ய வேண்டும்.
  மண்ணை வளப்படுத்த வேண்டும்.

• நம்முடைய தேவைக்காக
  எப்பொழுது சமரசம் ஆகிறமோ
  அப்பொழுதுதான் தீயவற்றின்
  பாதையில் நாம் கால் வைக்கத்
  தொடங்குகிறோம்.

• ஆன்மீக ரீதியில் பார்க்கும் போது
  மனிதர்களின் நலனை மட்டும்
  பார்த்தால் போதாது.
  அது மிகவும் குறுக்கலான பார்வை.

• ஒவ்வொரு உயிரும் பிறவற்றை
  சார்ந்தே வாழ்கின்றது என்பதை
  ஆன்மீக ரீதியாகவே உணர முடியும்.
  அறிவியல் ரீதியாக மட்டுமே
  பார்த்தால் அது அழிவினை நோக்கியே
  இட்டுச் செல்லும்.

• இயற்கை விவசாயத்தை
  சிறப்பாக செய்ய,
  கால்நடை வளர்ப்பு அவசியம்.
  மர வளர்ப்பும் முக்கியமானது.

• பாரம்பரிய முறைகளே
  என்றும் நிலையானது.

• விரதமே மகத்தான
  மருத்துவம்.

• இயற்கை ஒருபோதும் தவறு
  செய்வதில்லை.
  உடல் ஒருபோதும்
  தன் கடமையை
  நிறுத்துவதில்லை.

• சந்தர்ப்பமும் சூழ்நிலையும்
  வீரனை கோழையாக்குவதும்
  இல்லை. கோழையை வீரன்
  ஆக்குவதும் இல்லை.
  அவனை யார் என்று
  அவனுக்கு காட்டும்.

• பருவநிலை மாற்றம்தான்
  இன்றைக்கு பல்வேறு
  பிரச்சனைகளுக்கும்
  அடிப்படையாக இருக்கிறது.
  அதை சரி செய்ய வேண்டுமானால்
  கண்டிப்பாக காடுகளை
  வளர்க்க வேண்டும்.

• நஞ்சில்லாத உணவை உற்பத்தி
  செய்ய வேண்டும் என்ற
  உணர்வு வந்துவிட்டால் விவசாயிகள்
  இயற்கை விவசாயத்திற்கு
  மாறிவிடுவார்கள்.

• 50 வயது வரை உடம்பு தான்
  உன்னதம் என நினைக்கும் மனது,
  அதற்குப் பிறகு ஆன்மாவை
  ஆராதிக்கிறது.

• மனிதர்களைச் சுற்றியுள்ள மரங்கள்,
  செடிகள், கொடிகள், கால்நடைகள்
  மற்றும் பறவைகள் என அனைத்தும்
  ஆரோக்கியமாக வாழ்வதற்குரிய சூழல்
  இந்த உலகில் இருக்க வேண்டும்.

• இரசாயன உரங்கள், பூச்சிக்கொல்லி,
  களைக்கொல்லி, நஞ்சுக்களை
  பயன்படுத்தாத விவசாயம் தான்
  இயற்கை விவசாயம்.

• உண்ணா நோன்பு
  இருக்கும் போது
  நம் உடலுக்குள் இருக்கும்
  தேவையில்லாத கழிவுகள்
  தன்னாலே வெளியேறி
  விடுகின்றன.