தலைமறைவுக் குற்றவாளிகள்; உச்சநீதிமன்றம் கண்டிப்பு!

உத்தரப்பிரதேசத்தின் பாலியா மாவட்டத்தில் 2017-ல் நடந்த கலவரம் தொடர்பான வழக்கில், இருவர் மீது காவல்துறையினர் வழக்குப் பதிவு செய்தனர். கலவரத்தைத் துாண்டுதல், கொலை முயற்சி உட்பட பல்வேறு பிரிவுகளில் வழக்குப் பதிவு செய்யப்பட்டது.

இந்த வழக்கில் 2018-ல் குற்றப்பத்திரிகையும் தாக்கல் செய்யப்பட்டுள்ளது.

ஆனால், குற்றம்சாட்டப்பட்ட இருவரும் காவல்நிலையத்தில் சரண் அடையாமல் தலைமறைவாகவே உள்ளனர். அலகாபாத் உயர்நீதிமன்றத்தில் இவர்கள் தாக்கல் செய்த முன் ஜாமின் மனு 2019-ல் நிராகரிக்கப்பட்டது. இதையடுத்து உச்சநீதிமன்றத்தில் மேல்முறையீடு செய்யப்பட்டது.

இந்நிலையில் இந்த மனு நேற்று விசாரணைக்கு வந்தது.

மனுவை விசாரித்த உச்சநீதிமன்ற நீதிபதிகள், “விசாரணை அமைப்புகளுடன் ஒத்துழைக்காமல் தொடர்ந்து தலைமறைவாகவே இருக்கும் குற்றவாளிகளைக் காப்பாற்ற, நீதிமன்றம் முன்வராது” என உத்தரவிட்டு மனுவை தள்ளுபடி செய்தனர்.