திருக்குறளுக்கு உரை எழுதத் தொடங்கி விட்டேன்!

திருக்குறளுக்கு
உரை எழுதப்போகிறேன் என்று
கன்னியாகுமரியில் அறிவித்தேன்

உரை எழுதத் தொடங்கிவிட்டேன்

உரை செய்யப் புகுமுன்னால்
சில உரைநெறிகளை
உருவாக்கிக் கொண்டிருக்கிறேன்

திருக்குறளின் மூலத்திற்கும்
திருவள்ளுவர் காலத்திற்கும்
மெய்யோடிருத்தல் வேண்டும்

அறத்துப்பாலும் பொருட்பாலும்
அறிவுப் பொருளாகத் திகழ வேண்டும்;
காமத்துப்பால்
கவிதைப் பொருளாக விளங்க வேண்டும்

மூலத்தின் அறிவும் செறிவும் விரிவும்
உரையிலும் ஓசை நயத்தோடு
துலங்கவேண்டும்

எவ்வளவு இயலுமோ அவ்வளவு
தனித்தமிழே ஆளப்பெறுதல் வேண்டும்

பழைய தலைமுறை மதிக்க வேண்டும்;
இளைய தலைமுறை துய்க்க வேண்டும்
தமிழ் அருள் புரியும்.