‘அமரன்‘ படத்தைப் பாராட்டிய ரஜினி: கமல் நெகிழ்ச்சி!

ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்டோர் நடித்து வெளியாகியுள்ள படம் ‘அமரன்’. சோனி நிறுவனத்துடன் இணைந்து, கமல்ஹாசன் தயாரித்துள்ள இந்தப் படம் அனைத்து மொழிகளிலும் வெளியாகியுள்ளது.

ராணுவ மேஜர் முகுந்த் வரதராஜனின் வாழ்க்கையைக் களமாகக் கொண்டு இந்தப் படத்தை இயக்கி இருக்கிறார் ராஜ்குமார் பெரியசாமி.

ரஜினிகாந்த், படத்தைப் பார்த்துவிட்டு படக்குழுவினரை அழைத்துப் பாராட்டினார். இதன் வீடியோ பதிவினை இணையத்தில் வெளியிட்டுள்ளது படக்குழு.

ரஜினியின் பாராட்டுக் குறித்து கமல், “அன்பும், வாழ்த்தும் அளவற்ற மகிழ்ச்சியை அளிக்கிறது – நன்றி இனிய நண்பரே” என்று குறிப்பிட்டுள்ளார்.

ரஜினியின் பாராட்டுக் குறித்து சிவகார்த்திகேயன் வெளியிட்டுள்ள பதிவில், “சூப்பர் ஸ்டாரின் பாராட்டுக்களால் நான் மிகவும் மகிழ்ச்சியடைகிறேன் – அவருடன் அமர்ந்து ‘அமரன்’ படத்தின் ஒவ்வொரு நுணுக்கத்தையும் அவர் ரசித்தது எனக்கும், குழுவினருக்கும் மறக்க முடியாதது – உங்கள் நிலையான ஆதரவிற்கும் ஊக்கத்திற்கும் நன்றி தலைவா” என்று தெரிவித்துள்ளார்.

இயக்குநர் ராஜ்குமார் பெரியசாமி, “அன்புள்ள சூப்பர் ஸ்டார் ரஜினிகாந்த் சார் –  நீங்கள் ஒரு நல்ல உள்ளம் – ஒவ்வொரு முறையும் நீங்கள் ‘ராஜ்குமார், பிரமாதம்’ என்று உச்சரித்து, பாராட்டும்போது, நாங்கள் நெகிழ்ச்சியடைந்தேம்” என்று குறிப்பிட்டுள்ளார்.

இதனிடையே அமரன் படம் நான்கு நாட்களில் 150 கோடி வசூலை எட்டியுள்ளது. 

– பாப்பாங்குளம் பாரதி