சிறந்த பதிப்பாளர் – ‘டிஸ்கவரி’ வேடியப்பனுக்கு அங்கீகாரம்!

– சிறந்த தமிழ்மொழி பதிப்பாளர் விருது

டெல்லியிலுள்ள இந்தியப் பதிப்பாளர்களின் கூட்டமைப்பு தனது 50 ஆவது ஆண்டைக் கொண்டாடும் விதமாக இந்திய அளவில் ஒவ்வொரு மொழியிலும் ஒரு சிறந்த பதிப்பாளரைத் தேர்வு செய்து விருது அறிவித்துள்ளது.

அந்த வகையில் தமிழின் சிறந்த பதிப்பாளர் விருந்து டிஸ்கவரி பப்ளிகேசன்ஸ் நிறுவனத்திற்கு கிடைத்துள்ளது.

இதுபற்றி மகிழ்ச்சியை வெளிப்படுத்துய பதிப்பாளர் வேடியப்பன், “ஆகஸ்ட் 11 மற்றும் 12 ஆம் தேதிகளில் டெல்லியில் நடைபெறும் இந்தியப் பதிப்பாளர்கள் கூட்டமைப்பின் மாநாட்டில் இந்த விருது வழங்கப்படுகிறது.

சிறந்த தமிழ்மொழி பதிப்பாளர் விருது பெறுவதில் மகிழ்ச்சி அடைகிறேன்” என்று தெரிவித்துள்ளார்.

இந்த விருது பதிப்பகத்திற்கான தேசிய அளவிலான அங்கீகாரமாக கருதப்படுகிறது.

விருது பெறவுள்ள வேடியப்பனை படைப்பாளிகள், பதிப்பாளர்கள் மற்றும் தமிழ் அறிஞர்கள் பலரும் பாராட்டி வாழ்த்துகளைத் தெரிவித்துள்ளார்கள்.