எடப்பாடி மீது வழக்கு தொடுத்தவருக்கு பாதுகாப்பு!

நடந்துமுடிந்த சட்டமன்றத் தேர்தலில் எடப்பாடி பழனிசாமி, தனது வேட்பு மனு மற்றும் பிரமாண பத்திரத்தில் சொத்து விவரம் உட்பட பல்வேறு முக்கிய தகவல்களை மறைத்ததாக, தேனி மாவட்ட திமுக முன்னாள் இளைஞரணி அமைப்பாளர் மிலானி வழக்கு தொடுத்தார்.

இந்த வழக்கு சேலம் சிறப்பு நீதிமன்றத்தில் நடைபெற்றபோது, மிலானி தானே முன்வந்து நேரில் ஆஜராகி வாதிட்டார்.

அதன்பின்னர் சேலம் மத்திய குற்றப்பிரிவு காவல்துறையினர் விரிவான விசாரணை நடத்த சிறப்பு நீதிமன்றம் உத்தரவிட்டது. அதோடு இந்த வழக்கில் குற்றப் பத்திரிகையை 30 நாட்களுக்குள் சேலம் சிறப்பு நீதிமன்றத்தில் தாக்கல் செய்யவும் உத்தரவிடப்பட்டது.

பொதுநலன் சார்ந்த இந்த வழக்கை தொடர்ந்த புகார்தாரர் மிலானிக்கு உரிய பாதுகாப்பு வழங்க மத்திய குற்றப்பிரிவு காவல்துறைக்கும் சேலம் சிறப்பு நீதிமன்றம் உத்தரவு பிறப்பித்தது.