நம்பிக்கையூட்டும் 45 நிமிட குறும்படம்!

குறும்படம், இசை ஆல்பம் என்று கவனிக்கத்த வகையில் பங்களிப்பு செய்த காமன் மேன் சதீஷ் நடிக்கும் 45 நிமிட குறும்படம் வைரம் பாஞ்ச கட்ட.

இக்குறும்படத்தில் நாயகனாக நடித்திருக்கும் சதீஷ், ஏற்கெனவே ‘இந்தியன் டூரிஸ்ட்’, ‘நொடிக்கு நொடி’ குறும்படங்களை உருவாக்கியுள்ளார்.

‘இந்தியன் டூரிஸ்ட்’ குறும்படம் 24 மில்லியன் பார்வையாளர்களைக் கவர்ந்து யூடியூப் சமூக வலைதளத்தில் சாதனை முத்திரை பதித்தது. சர்வதேச அளவில் விருதுகளும் பெற்றது.

அதேபோல் ‘நொடிக்கு நொடி’ குறும்படம் திரையுலகினரின் கவனத்தைக் கவர்ந்து பாராட்டைப் பெற்றது.

மேலும், அவர் உருவாக்கிய ‘இவளைப் போல்’ இசை ஆல்பம் டாப் டென் வெற்றி வரிசையில் இடம்பெற்றது.

அந்த சதீஷ் நாயகனாக நடித்திருக்கும் படம்தான் ‘வைரம் பாஞ்ச கட்ட’. நாயகியாக யாஸ்மின். படத்தை எழுதி, ஒளிப்பதிவு செய்து, படத்தொகுப்பு செய்து இயக்கியுள்ளவர் சுந்தர் மகாஸ்ரீ.

இக்குறும்படத்தைப் பார்த்துப் பாராட்டி தங்கள் சமூக ஊடகங்களில் பலரும் வெளியிட்டு வாழ்த்தியுள்ளனர்.

இக்குறும்படத்தை வெளியிடும் உரிமையை ஏபி இன்டர்நேஷனல் பெற்றுள்ளது.

அந்த நிறுவனம்தான் ஆஸ்கார் விருது பெற்ற ‘எலிபெண்ட் விஸ்பரர்ஸ்’ படத்தை Netflix வெளியிட்ட உறுதுணையாக இருந்தது.