அறியப்படாத ஆளுமைகளை அங்கீகரிக்கும் விருது!

‘என் சென்னை யங் சென்னை’ என்கிற பெயரில் அறியப்படாத சாதனையாளர்களுக்கு ஆண்டுதோறும் விருதுகள் வழங்கி கவுரவித்து வருகிறது எர்த் அண்ட் ஏர் மற்றும் த ஐடியா பேக்டரி அமைப்புகள்.

இந்த ஆண்டு முதல், சமூகப் பணி விருதுகளோடு, திரையுலகைச் சேர்ந்தவர்களுக்கும் பொழுதுபோக்குப் பிரிவில் இந்த விருதுகள் வழங்கப்பட்டுள்ளன.

‘என் சென்னை யங் சென்னை’ விருதுகளுக்காக 13 படங்கள் மட்டுமே தேர்வாகின.

இந்த ஆண்டின் ‘என் சென்னை யங் சென்னை’ விருது வழங்கும் விழா சென்னை, ராஜா அண்ணாமலைபுரத்தில் உள்ள லீலா பேலஸ் ஹோட்டலில் நடைபெற்றது.

தமிழக கல்வித்துறை அமைச்சர் அன்பில் மகேஷ் பொய்யாமொழி, நல்லி குப்புசாமி, ட்ரீம் தமிழ்நாடு நிறுவனர் சுரேஷ் சம்பந்தம் உள்ளிட்ட பல்துறையைச் சேர்ந்த பிரபலங்கள் கலந்துகொண்டு சிறப்பித்தனர்.

தமிழக கல்வித்துறை அமைச்சர் அன்பில் மகேஷ், “சென்னையையும், சென்னையின் வளர்ச்சிக்காகவும் உழைத்த மக்களையும் பெருமைப்படுத்தும் நிகழ்ச்சி இது” எனக் குறிப்பிட்டுப் பாராட்டினார்.

தமிழ்த் திரையுலகுக்கு 13 பிரிவுகளில் வழங்கப்பட்ட விருதுகள் விபரம்:

சிறந்த படம்: வினோதய சித்தம்,

சிறந்த இயக்குநர்: சமுத்திரக்கனி (வினோதய சித்தம் ),

சிறந்த நடிகர்: வசந்த் ரவி (ராக்கி),

சிறந்த நடிகை: அபர்ணதி (தேன், ஜெயில் ),

சிறந்த நடிகர்: (விமர்சன ரீதியில்): தருண்குமார் (தேன்),

சிறந்த எதிர் நாயகன்: மைம் கோபி (மதில் ),

சிறந்த துணை நடிகை: ராதிகா சரத்குமார் (ஜெயில் ),

சிறந்த துணை நடிகர்: தம்பி ராமையா (வினோதய சித்தம்),

சிறந்த ஒளிப்பதிவாளர்: சுகுமார் (தேன்),

சிறந்த திரைக்கதை எழுத்தாளர்: ஃபிராங்கிளின் ஜேக்கப் (ரைட்டர்),

ஆச்சி மனோரமா விருது: கோவை சரளா,

சார்லி சாப்ளின் விருது: வைகை புயல் வடிவேலு,

பீம்சிங் விருது: இயக்குனர் இமயம் பாரதிராஜா ஆகியோருக்கு விருதுகள் வழங்கப்பட்டன.