உழைப்போர் யாவரும் ஒன்றுதான்!

நினைவில் நிற்கும் வரிகள்:

நேருக்கு நேராய் வரட்டும்
நெஞ்சில் துணிவிருந்தால்
என் கேள்விக்கு பதிலை தரட்டும்
நேர்மை திறமிருந்தால்
நேர்மை திறமிருந்தால்

(நேருக்கு நேராய்…)

உழைப்போர் யாவரும் ஒன்று
பெரும் புரட்சிகள் வளர்வது இன்று
வலியோர் ஏழையை வாட்டிடும் கொடுமை
இனி ஒரு நாளும் நடக்காது!

(நேருக்கு நேராய்…)

பட்டினியால் தினம் ஒட்டிய வயிறு
பாதையில் தவிக்குதடா
சில பாவிகள் ஆணவம்
மக்களின் உயிரை
தினம் தினம் பறிக்குதடா
வாட்டத்தை மாற்றட்டும் இல்லையேல் மாற்றுவோம்
தீமைகள் யாவையும் கூண்டிலே ஏற்றுவோம்!

(நேருக்கு நேராய்…)

நீதியின் தீபத்தை ஏற்றிய கைகளின்
லட்சிய பயணமிது
இதில் சத்திய சோதனை எத்தனை நேரினும்
தாங்கிடும் இதயமிது
அண்ணனின் பாதையில் வெற்றியே காணலாம்
தர்மமே கொள்கையாய் நாளெல்லாம் காக்கலாம்

(நேருக்கு நேராய்…)

பொன்மனச் செம்மல் எம்.ஜி.ஆர் நடிப்பில், 1977ம் ஆண்டு வெளிவந்த ‘மீனவ நண்பன்’ படத்தில் இடம்பெற்ற இந்தப் பாடலை எழுதியவர் புலமைப்பித்தன். இசை: எம்.எஸ்.விஸ்வநாதன்.  குரல்: டி.எம். சௌந்தராஜன்.