தம்பி 1:
செய்தியாளர் கேள்வி: எங்கப் போறீங்க?
இ.பி.எஸ். தம்பி: நான் டெல்லிக்கு போறேன்.
செய்தியாளர் கேள்வி: டெல்லிக்கு எதுக்குப் போறீங்க?
இ.பி.எஸ். தம்பி: டெல்லிக்கு எங்க கட்சி ஆபீசுக்குப் போறேன்.
செய்தியாளர் கேள்வி: ஆனா, சொன்னபடி நீங்க கட்சி ஆபீஸ்க்கு போகல போலிருக்கே?
இ.பி.எஸ். தம்பி: கார்ல ஏறும்போது கட்சி ஆபீஸ்ன்னு சொன்னாங்க. ஆனா, பாஜக கட்சி ஆபீசுக்குக் கூட்டிட்டுப் போய்ட்டாங்க.
செய்தியாளர் கேள்வி: இந்த முறையாவது நேரடியா உங்கக் கட்சி ஆபீசுக்குப் போவீங்களா? இல்லனா, பாஜக ஆபிசுக்குப் போவீங்களா?
இ.பி.எஸ். தம்பி: இல்லை இப்ப கண்ணு நல்லா தெரியுது. நேரா பாஜக ஆபீசுக்குத் தான் போறேன்.
*****
தம்பி 2:
செய்தியாளர் கேள்வி: தம்பி செ.கோ. எங்க போறீங்க?
செ.கோ. தம்பி: நான் ஹரித்துவார் போறேன்.
செய்தியாளர் கேள்வி: ஆனா, நீங்க ஹரித்துவாருக்கு போகல போலிருக்கே?
செ.கோ.தம்பி: ஹரித்துவார் போறதுக்கு தான் விமானத்தில் ஏறி உட்கார்ந்தேன். ஆனா, விமானம் டெல்லிக்குப் போயிடுச்சு. நான் என்ன செய்யட்டும்?
செய்தியாளர் கேள்வி: நீங்களாவது கரெக்டா டிக்கெட் வாங்கி சரியான இடத்துக்குப் போவீங்களா?
செ.கோ.தம்பி: கனத்த மவுனம்.
****
தம்பி 3:
செய்தியாளர் கேள்வி: ஓபிஎஸ் தம்பி எங்க போறீங்க?
ஓபிஎஸ்.தம்பி: முன்பெல்லாம் அடிக்கடி டெல்லிக்குக் கூப்பிடுவாங்க. நானும் போய் இருக்கேன்.
செய்தியாளர் கேள்வி: இப்போ டெல்லிக்குக் கூப்பிடலையா என்னாச்சு?
ஓபிஎஸ்.தம்பி: செலக்ட் அம்னிசியா மாதிரி, ஏதோ ஒன்னு அட்டாக் ஆகி, டெல்லி பேரே எனக்கு மறந்து போச்சு.
செய்தியாளர்: கனத்த மௌனம்
- லியோ