நேற்றைய நிழல்

அருமை நிழல்: சினிமாவில் நடிக்க வருவதற்கு முன்பு திருச்சி சங்கிலியாண்ட புரத்தில் ஒரே தெருவில் குடியிருந்தவர்கள் சிவாஜி கணேசனும், காக்கா ராதாகிருஷ்ணனும். இருவரும் அடுத்தடுத்து பாய்ஸ் கம்பெனி நாடகத்தில் நடிக்கப் போனவர்கள். நாடகம் ஒன்றில் பெண் வேடத்தில் அவர்கள் நடித்தபோது எடுத்த படம் இது. ‘மனோகரா’ படத்தில் இணைந்து நடித்த இவர்கள் இறுதியாக இணைந்து நடித்த படம் ‘தேவர் மகன்’. பாய்ஸ் கம்பெனி காலம் துவங்கி இருவருக்கும் இடையில் எவ்வளவு நீண்ட கால நட்பு!

அருமை நிழல்: பிரபல பரத நாட்டிய ஆசான் வழுவூர் ராமையா பிள்ளையிடம் நடனம் பயிலும் பத்மினி – ராகினி.

அருமை நிழல்: கருவில் இருக்கும் சிசுக்களையும் கவரும் வகையில் காந்தக் குரலுக்கு சொந்தக்காரரான கே.ஜே.ஜேசுதாஸ், ஒரு பிறவிக் கலைஞர் என்று கூறினால் அது மிகையாகாது. ஜாதி, மத, இன வேறுபாடின்றி அனைத்துத் தரப்பினரையும் அவரது குரல் கவர்ந்திழுக்கும். ஜேசுதாஸின் குரலில், மோகன ராகமும், தோடி, கல்யாணி ராகங்களும் கேட்பது இந்த தலைமுறையினருக்கும் கிடைத்துள்ள பெறும்பேறு. “நீயும் பொம்மை நானும் பொம்மை” என்ற பாடலின் மூலம் தனது திரையிசை பயணத்தைத் தொடங்கிய கே.ஜே.ஜேசுதாஸ், இந்த ஐம்பது வருட காலத்தில் […]

அருமை நிழல்: தந்தை பெரியார், கர்மவீரர் காமராஜர், கலைஞர் கருணாநிதி, (தற்போதைய திராவிடர் கழகத் தலைவர், ஆசிரியர்) கி.வீரமணி, திராவிடர் முன்னேற்றக் கழகத்தின் நிறுவர்களில் ஒருவரான அன்பில் தர்மலிங்கம் (இன்றைய தமிழ்நாடு முதலமைச்சர்) மு.க.ஸ்டாலின்  உள்ளிட்டோர் ஒரே மேடையில்!

மு.கருணாநிதி வசனம் எழுதிய ‘மனோகரா’ படம் தான் கல்கி தம் வாழ்நாளில் கடைசியாக விமர்சனம் செய்த படம். அந்தப் படத்தில் கலைஞரின் வசன நடையை ஓஹோவென்று பாராட்டினார் கல்கி. “தமிழ் மொழியை எவ்வளவு வன்மையாகக் கையாள முடியும் என்பதற்கு மனோகரனின் ராஜ சபைப் பேச்சு நல்ல எடுத்துக்காட்டு” என்று எழுதியிருக்கிறார் கல்கி. – அமரர் கல்கி நூற்றாண்டு விழா மலரில் இருந்து ஒரு பகுதி. #முகருணாநிதி #மனோகரா #கலைஞர் #கல்கி #மனோகரன் #karunanithi #manoharaa #kalaingar #kalki #manoharan

அருமை நிழல்: தந்தை பெரியார் திரைப்படங்கள் பார்ப்பதை விரும்புவதில்லை என்றாலும் முக்தா சீனிவாசன் தயாரித்து இயக்கிய ‘சூரியகாந்தி’ எனும் திரைப்படத்தின் சிறப்புக் காட்சியை, முக்தா சீனிவாசனின் அன்பு வேண்டுகோளை ஏற்று, படத்தை முழுமையாகப் பார்த்தார். இது ஜெயலலிதா நடித்த 100-வது படம். படத்தின் சிறப்புக் காட்சி திரையிடப்பட்டபோது பெரியாருடன் முக்தா சீனிவாசன், ஜெயலலிதா, முத்துராமன் மற்றும் படக்குழுவினர் எடுத்துக்கொண்ட புகைப்படம். – நன்றி: முகநூல் பதிவு