மறைந்த முன்னாள் குடியரசுத் தலைவர் அப்துல் கலாமின் பயோபிக் படத்தில் நடிகர் தனுஷ், அப்துல் கலாமாக நடிக்கிறார். இது குறித்து அறிவிப்பை, தனது இன்ஸ்டாகிராம் தளத்தில் தனுஷ் பகிர்ந்துள்ளார்.
“உத்வேகமிக்கத் தலைவரான அப்துல்கலாம் அய்யாவின் வாழ்க்கையை சொல்லும் படத்தில் நான் நடிப்பதை எனது பாக்கியமாகக் கருதுகிறேன்” என தனுஷ் தனது பதிவில் தெரிவித்துள்ளார்.
படத்தின் தலைப்பு: ‘அப்துல் கலாம் – தி மிஸைல் மேன் ஆப் இந்தியா’. தமிழில் ‘இந்திய ஏவுகணையின் மைந்தன் அல்லது மனிதன்’. இந்தப் படத்தை ‘ஆதிபுருஷ்’ பட இயக்குனர் ஓம் ராவத் இயக்குகிறார்.
அபிஷேக் அகர்வால், பூஷன் குமார், கிரிஷன் குமார், அனில் சுங்காரா ஆகியோர் இந்த படத்தை தயாரிக்கின்றனர். இதில் அபிஷேக் அகர்வால் ‘தி காஷ்மீர் ஃபைல்ஸ்’ படத்தை தயாரித்தவர்.
தமிழகத்தின் ராமேஸ்வரம் தீவிலிருந்து ராஷ்டிரபதி பவன் வரையிலான அப்துல் கலாமின் வாழ்க்கை பயணத்தை இந்தப் படம் சொல்கிறது.
இயக்குநர் ஓம் ராவத் அதை தனது சமூக வலைதளப் பதிவில் கேப்ஷனாகக் குறிப்பிட்டு கலாம் படத்தின் போஸ்டரை பகிர்ந்துள்ளார்.
‘அப்துல் கலாம் – தி மிஸைல் மேன் ஆப் இந்தியா’ என்ற பெயரில் இந்தப் படம் ‘பான் இந்தியா’ அளவில் உருவாகிறது’ என ராவத் குறிப்பிட்டுள்ளார்.
– பாப்பாங்குளம் பாரதி.