சென்னை ராஜா அண்ணாமலை புரத்தில் உள்ள டாக்டர் எம்ஜிஆர்-ஜானகி மகளிர் கலை மற்றும் அறிவியல் கல்லூரியில், எழுத்தாளர் அஜய் சிங் எழுதிய ‘பாரதிய ஜனதா கட்சியின் நவீன சிற்பி – நரேந்திர மோடி’ ஆங்கில நூலின் தமிழாக்கப் பதிப்பு அறிமுக விழா நடைபெற்றது.
பாரதிய ஜனதா கட்சியின் தமிழகத் தலைவர் அண்ணாமலை நூலை அறிமுகம் செய்தார்.
கடந்த 2022 ஆம் ஆண்டு ஆங்கிலத்தில் வெளிவந்த இந்த நூலை, தமிழில் திரு ரங்காச்சாரி மொழிபெயர்த்துள்ளார்.
இந்து தமிழ் திசை பத்திரிகை ஆசிரியர் கே.அசோகன் தலைமையில் நடைபெற்ற இந்த விழாவில், காமராஜ் மக்கள் கட்சியின் நிறுவனர், தலைவர் தமிழருவி மணியன், மணிப்பால் பல்கலைக்கழகப் பேராசிரியர் சேஷாத்ரி சாரி, இந்து தமிழ் திசை பத்திரிகை இயக்குனர் விஜயா அருண், வழக்கறிஞர் கே.எஸ்.இராதாகிருஷ்ணன், பத்திரிகையாளர் ஷபி முன்னா ஆகியோர் கலந்து கொண்டனர்.
விழாவில் பங்கேற்ற சிறப்பு விருந்தினர்களின் உரையுடன் நூல் வெளியீட்டு விழா இனிதே அரங்கேறியது.