சூர்யா தற்போது சிறுத்தை சிவா இயக்கத்தில் நடித்து வருகிறார். வீரம், வேதாளம், விவேகம், விஸ்வாசம், அண்ணாத்த போன்ற பேமிலி சென்டிமென்ட் கதையம்சம் கொண்ட கமர்சியல் படங்களை இயக்கிய சிவா கூட்டணியில் சூர்யா நடிப்பது ரசிகர்கள் மத்தியில் எதிர்பார்ப்பை கிளப்பியது.
மேலும், ‘சூர்யா 42’ படத்தின் மிரட்டலான மோஷன் போஸ்டர் அண்மையில் வெளியாகி ரசிகர்கள் மத்தியில் எதிர்பார்ப்பினை கிளப்பியது.
ஸ்டுடியோ கிரீன் நிறுவனம் தயாரிக்கும் ‘சூர்யா 42’ படம் 3டி-யில் உருவாகவுள்ளது. தேவி ஸ்ரீ பிரசாத் இசையமைக்கும் இந்தப்படத்தில் சூர்யாவுக்கு ஜோடியாக பிரபல பாலிவுட் நடிகை திஷா பதானி நடிக்க உள்ளார்.
மேலும் சுமார் 10 மொழிகளில் இந்த படத்தை பான் இந்தியா படமாக வெளியிட படக்குழு முடிவு செய்துள்ளதாக கூறப்படுகிறது.
மேலும் படப்பிடிப்பில் இருக்கும் போதே, தயாரிப்பாளர் டாக்டர் ஜெயந்திலால் கடா சூர்யா 42 படத்தின் இந்தி உரிமையை ரூ.100 கோடிக்கு வாங்கியுள்ளதாக தகவல்கள் வெளியானது.
இந்தி உரிமையைத் தவிர, படத்தின் இந்தி சாட்டிலைட், டிஜிட்டல் மற்றும் தியேட்டர் விநியோக உரிமைகளையும் வாங்கியுள்ளாராம். படப்பிடிப்பு முடியும் முன்பே 100 கோடி வரை ‘சூர்யா 42’ குவித்துள்ளது.
இந்நிலையில் லேட்டஸ்ட் தகவலாக இப்படத்தில் ‘சீதா ராமம்’ படம் மூலம் கவனம் ஈர்த்த மிருணால் தாகூர் நடிக்கவுள்ளதாக தகவல்கள் வெளியாகியுள்ளது.
பீரியட் பிலிமாக உருவாகவுள்ள இப்படத்தில் சூர்யாவுக்கு ஜோடியாக மிருணாள் நடிக்கவுள்ளதாக கூறப்படுகிறது.
இப்படத்தின் அடுத்தகட்ட படப்பிடிப்பு அடுத்த மாதம் துவங்கவுள்ளதாகவும் செய்திகள் வெளியாகியுள்ளது.
மிருணாள் தாகூர், மராத்தி மற்றும் இந்தி படங்களில் நடித்துள்ளார். அண்மையில் துல்கர் சல்மான் நடிப்பில் வெளியான ‘சீதா ராமம்’ படத்தில் இளவரசி நூர்ஜஹான் கதாபாத்திரத்தில் நடித்திருந்தார்.
இந்தப்படத்தில் இவரின் நடிப்பு பலராலும் பாராட்டுக்களை பெற்றது. இந்நிலையில் இவர் சூர்யா ஜோடியாக நடிக்கவுள்ளது ரசிகர்கள் மத்தியில் உச்சக்கட்ட எதிர்பார்ப்பை கிளப்பியுள்ளது.