அடிலெய்ட் போட்டியில் ஜோகோவிச் சாம்பியன்!

அடிலெய்டு சர்வதேச டென்னிஸ் போட்டி ஆஸ்திரேலியாவில் நடைபெற்றது.

இதன் ஆண்கள் ஒற்றையர் பிரிவு இறுதி ஆட்டத்தில் 21 கிராண்ட்ஸ்லாம் பட்டம் வென்றவரும், தற்போது தரவரிசையில் 5-வது இடத்தில் இருப்பவருமான செர்பியாவின் நோவக் ஜோகோவிச், தரவரிசையில் 33-வது இடத்தில் உள்ள அமெரிக்க வீரர் செபாஸ்டியன் கோர்டாவை சந்தித்தார்.

முதல் செட்டை 7-6 என்ற கணக்கில் ஜோகோவிச் இழந்தார். பின்னர் சுதாரித்து ஆடிய ஜோகோவிச், இரண்டாவது செட்டை 7-6 என்ற கணக்கில் கைப்பற்றினார்.

இதையடுத்து, வெற்றியைத் தீர்மானிக்கும் கடைசி செட் ஆட்டத்தில் சிறப்பாக விளையாடிய ஜோகோவிச் 6-4 என்ற கணக்கில் கைப்பற்றி சாம்பியன் பட்டம் வென்றார்.