காந்தாரா – இந்திய சினிமாவின் தலைசிறந்த படைப்பு!

ரஜினிகாந்த் புகழாரம்

“நடிகர் ரிஷப் ஷெட்டி எழுதி, இயக்கி, கதையின் நாயகனாக நடித்திருக்கும் ‘காந்தாரா’, இந்திய சினிமாவில் ஒரு தலைசிறந்த படைப்பு” என சூப்பர் ஸ்டார் ரஜினிகாந்த் புகழாரம் சூட்டியிருக்கிறார்.

கர்நாடக மாநிலத்தில் உள்ள அடர்ந்த வனப்பகுதியில் வசிக்கும் பழங்குடியின மக்களுக்கு காவல் தெய்வமாக விளங்கும் பஞ்சுருளி எனும் காவல் தெய்வத்தை மையப்படுத்திய ‘காந்தாரா’ படம் ரசிகர்களிடம் பெரும் வரவேற்பை பெற்றுவருகிறது.

கன்னடத்தில் தயாரான இந்த திரைப்படம் தமிழ், தெலுங்கு, இந்தி ஆகிய மொழிகளில் வெளியாகி விமர்சன ரீதியாகவும், வசூல் ரீதியாகவும் பெரும் வெற்றியைப் பெற்று வருகிறது.

படத்தைக் கண்டு ரசித்த ரஜினிகாந்த் உடனடியாக தன் ட்வீட்டரில் இப்படிப் பதிவிட்டுள்ளார்.

“தெரிந்ததைவிட தெரியாதது அதிகம்’ என்பதைத் திரையில் ‘காந்தாரா’ திரைப்படத்தைவிட வேறெதுவும் சிறப்பாகச் சொல்லியிருக்காது.

என்னைப் புல்லரிக்கச் செய்துவிட்டீர்கள் ரிஷப் ஷெட்டி.

உங்கள் திரைக்கதை, இயக்கம், நடிப்புக்கு என் பாராட்டுகள். இந்திய சினிமாவில் ஒரு தலைசிறந்த படைப்பைச் சார்ந்த அத்தனை நடிகர்களுக்கும், தொழில்நுட்பக் கலைஞர்களுக்கும் என் வாழ்த்துகள்” எனப் பதிவிட்டிருக்கிறார்.

ஹோம்பாலே பிலிம்ஸ் தயாரிப்பில் உருவான ரிஷப் ஷெட்டியின் ‘காந்தாரா’ உலகமெங்கும் 200 கோடி ரூபாய்க்கு மேல் வசூல் செய்து சாதனை படைத்து வருகிறது என்பதும், ‘கே ஜி எஃப் 2’ படத்தை பார்த்த பார்வையாளர்களைவிட, ‘காந்தாரா’ பபார்வையாளர்களின் எண்ணிக்கை அதிகம் என்பதும் கவனிக்கத்தக்கது.

Comments (0)
Add Comment