மே முதல் வாரத்தில் சந்திரமுகி 2 படப்பிடிப்பை நடத்த ராகவா லாரன்ஸ் தயாராகி வருவதாக தகவல் பரவி வந்த நிலையில் இன்று அது அதிகாரப்பூர்வமாக உறுதியாகியுள்ளது.
சந்திரமுகி டைட்டிலை சிவாஜி கணேசன் புரொடக்சன் நிறுவனத்திடமிருந்து டைட்டில் உரிமையைப் பெற்றுள்ள லைகா நிறுவனம் படத்தை விரைவில் எடுக்க முடிவெடுத்துள்ளனர். அதையொட்டி தற்போது புதிய போஸ்டரை வெளியிட்டுள்ளது.
இதில் சுவாரஸ்யம் என்னவென்றால் சந்திரமுகியில் முருகேஷனாக கலக்கிய வடிவேலு சந்திரமுகி 2விலும் வரவுள்ளார். வடிவேலுவின் மறு பிரவேசத்தில் இந்தப் படம் ஒரு மைல் கல்லாக இருக்கும் என ரசிகர்கள் கொண்டாடி வருகின்றனர்.
இப்படத்தின் படப்பிடிப்பு இந்த மாதம் முதல் நடைபெறலாம் என்றும், சென்னையின் புறநகரில் பிரமாண்ட செட் அமைக்கப்பட உள்ளதாகவும் தகவல் வெளியாகியுள்ளது.
ராகவா லாரன்ஸும் சமீபத்தில் அளித்த பேட்டியில் சந்திரமுகி 2 கிடப்பில் போடப்படவில்லை என்றும், படம் நிச்சயம் நடக்கும் என்றும் உறுதிப்படுத்தினார். தற்போது, ப்ரீ புரொடக்ஷன் பணிகள் விறுவிறுப்பாக நடைபெற்று வருவதாகக் கூறப்படுகிறது.
ரஜினிகாந்த், பிரபு, ஜோதிகா, நயன்தாரா ஆகியோர் முக்கிய வேடங்களில் நடித்து 2005ல் வெளியான படம் சந்திரமுகி. இப்படம் பாக்ஸ் ஆபிஸ் ஹிட் கொடுத்தது. இன்னும் ரஜினிகாந்தின் தொழில் வாழ்க்கையின் சிறந்த நடிப்பில் ஒன்றாக கருதப்படுகிறது.
மலையாளத்தில் மோகன்லால், ஷோபனா நடிப்பில் வெளியாகி வெற்றி பெற்ற மணிச்சித்திரத்தாழு படத்தின் ரீமேக் இது.
சந்திரமுகி தொடர்ச்சியாக மீண்டும் ரஜினிகாந்தை நடிக்க வைக்க பி.வாசு திட்டமிட்டிருந்ததாக ஊகங்கள் எழுந்தன. ஆனால் நடிகரின் முன் உறுதிப்பாடுகள் இல்லாத காரணத்தால் இந்தப் படத்தை எடுக்க முடியவில்லை. இதையடுத்து, ராகவா லாரன்ஸ் நாயகனாக நடிப்பது உறுதியாகியுள்ளது.
சந்திரமுகி 2 படத்தின் முழு விவரம் மற்றும் குழுவினர் குறித்த அதிகாரப்பூர்வ தகவல்கள் விரைவில் வெளியிடப்படும் என்ற எதிர்பார்ப்பு எழுந்துள்ளது.