பொருளாதார ரீதியில் முன்னேற வேண்டுமெனில் வரவு – செலவை திட்டமிட்டு செயல்படுத்த வேண்டும். சில நேரங்களில் செலவுகள் அதிகரிக்கும்போது சேமிக்க முடியாமல் போகும்.
இதைத் தவிர்பபதற்கு துல்லியமாக ‘நிதி நிர்வாக காலண்டர்’ மூலம் திட்டமிட்டல் ஓரளவாவது சேமிக்க முடியும் என்று நிதி ஆலாசகர்கள் தெரிவிக்கின்றனர்.
‘நிதி நிர்வாக காலண்டர்’ என்பது வரவு – செலவை மட்டும் குறிப்பிடுவதல்ல. மொத்த சம்பளம், வருமானம் அல்லது நிதி பெறப்படும் நாட்கள் எவை? எந்தச் செலவுகளை எப்போது செய்வது?
அன்றாட நிதி நிலை, கடன்கள், அவசர நிதி, சேமிப்பு உள்ளிட்ட சகல நிதி சார்ந்த நடவடிக்கைகளையும், ஒவ்வொரு நாளும் சரிபார்க்கும் செயல் திட்டமாகும்.
அதனால் அன்றாடச் செலவுகளை மட்டுமல்லாமல், எதித்காலத்தில் ஏற்படக்கூடிய செலவினங்களயும் அறிந்து தயார் நிலையில் இருக்கலாம்.
‘நிதி நிர்வாக காலண்டர்’ இப்போது ஸ்மர்ட்போன் செயலிகளாக கிடைக்கிறது. அதை தற்போதைய மாதத்தின் 30 நாட்களுக்கும் மற்றும் அடுத்த மாதத்தின் 3 நாட்களுக்கும் கணக்கிட்டு அமைத்துக் கொள்ளலாம்.
சம்பளம் அல்லது வருமானம் கிடைக்கும் நாட்கள், வீட்டு வாடகை அல்லது வீட்டுக்கான கட்ன், மளிகை, மின்சார கட்டணம், போன் பில், சமையல் எரிவாயு, கிரெடிட் கார்டு, இண்டர்நெட் கட்டணம், குழந்தைகளின் கல்விக் கட்டணம், மருத்துவச் செலவு,
ஆயுள் காப்பீடு, பெட்ரோல் மற்றும் வாகன பராமரிப்பு, இதர கடன்கள், பண்டிகைக்கால செலவுகள், பொழுது போக்கு மற்றும் மாதாந்திர சேமிப்பு ஆகிய செலவினங்களை ஒரு மாதம் தொடங்கும் முன்னரே நிதி காலண்டர் மூலம் பிரித்து கணக்கிட்டுக் கொள்ளலாம்.
ஒவ்வொரு நாளுக்கான வரவு – செலவு குறித்த அறிவிப்பை சம்பந்தப்பட்ட நாளின் தொடக்கத்திலேயே ‘ஸ்மார்ட்போன் காலண்டர் செயலி’ தெரிவித்துவிடும். வரவு – செலவுகளை அறிந்து செயல்படுவதன் மூலம் தேவையற்ற காலதாமத்தை தவிர்க்கலாம்.
அடுத்த வாரம் அல்லது 10 நாட்கள் கழித்து செய்ய வேண்டிய செலவினங்களையும் முன்னதாக அறிந்து, அதற்கு ஏற்ப செயல்படலாம்.
பணிபுரியும் திருமணமாகாத இளம்பெண்களைப் பொறுத்த வரையில், அவர்களது செலவுகள் பெரும்பாலும் திட்டமிடப்பட்டதாகவே இருக்கும்.
அவர்களது வருமானத்துக்கேற்ப, ‘நிதி நிர்வாக காலண்டரை’ பயன்படுத்தினால் சேமிப்பை அதிகரிக்கலாம்.
செலவுகளை முன்னதாகவே, செல்போன காலண்டர் மூலம் அந்தந்த நாட்களில் பதிவு செய்து கொண்டு கடிகாரம் மூலம் அலாரம் ‘செட்’ செய்து கொள்ளலாம்.
அதன் வழியாக அத்தியாவசிய செலவுகளை அறியலாம், தவிர்க்க வேண்டியவற்றைத் தவிர்த்து விடலாம்.
– நன்றி: தினத்தந்தி