நல்லா சொல்றாங்கய்யா டீடெய்ல்!

– வடிவேலு பாணியில் மத்திய அரசு

நாடாளுமன்ற மாநிலங்களவையில் கேள்வி நேரத்தின் போது மத்திய அரசு பணியிடங்கள் தொடர்பான கேள்விக்கு மத்திய பணியாளர் நலத்துறை இணை அமைச்சர் ஜிதேந்திரசிங், எழுத்து மூலம் பதில் அளித்தார்.

அப்போது, “கடந்த 2020-ம் ஆண்டு மார்ச் 1-ம் தேதி நிலவரப்படி, மத்திய அரசு துறைகளில் 8,72,243 காலி பணியிடங்கள் உள்ளன.

மத்திய பணியாளர் தேர்வாணையம், எஸ்.எஸ்.சி, ரெயில்வே தேர்வு வாரியம் ஆகியவை கடந்த 2018-19 மற்றும் 2020-2021 நிதியாண்டுகளில் 2,65,468 ஊழியர்களைத் தேர்வு செய்துள்ளன.

சிவில் சர்வீசஸ் தேர்வுகளை நடத்தும் மத்திய பணியாளர் தேர்வாணையத்தில் (யு.பி.எஸ்.சி.) 485 காலி பணியிடங்கள் உள்ளன. காலியிடங்களை நிரப்புவது ஒரு தொடர் நடவடிக்கையாக நடந்து வருகிறது” எனக் கூறினார்.