வேலன் புரொடக்சன்ஸ் தயாரிப்பில் உருவாகியுள்ள ஆக்சன் த்ரில்லர் படம் ‘வெப்’. அறிமுக இயக்குநர் ஹாரூன் இந்தப் படத்தை இயக்கியுள்ளார். நட்டி என்கிற நடராஜன் சுப்பிரமணியம் கதாநாயகனாக நடிக்கிறார்.
நான்கு நாயகிகள் நடிக்கும் இப்படத்தில் ‘காளி’ மற்றும் ‘இஸ்பேட் ராஜாவும் இதய ராணியும்’ படங்களில் நாயகியாக நடித்த ஷில்பா மஞ்சுநாத் கதைநாயகியாக நடிக்கிறார்.
‘எல்லாம் மேல இருக்கிறவன் பார்த்துப்பான்’ படத்தின் நாயகி ஷாஸ்வி பாலா, முந்திரிக்காடு, கண்ணை நம்பாதே படங்களில் நடித்த சுபப்ரியா மலர், விஜே அனன்யா மணி ஆகியோர் நாயகிகளாக நடிக்கிறார்கள்.
மொட்ட ராஜேந்திரன், முரளி, தீப்ஸிகா, பாரதா நாயுடு மற்றும் ப்ரீத்தி உள்ளிட்டோர் முக்கிய கதாபாத்திரங்களில் நடிக்கின்றனர்.
கார்த்திக் ராஜா இசையமைக்கும் இந்தப் படத்தில் மூன்று பாடல்கள் இடம்பெறுகின்றன. அருண் பாரதி, ஆர்ஜெ விஜய் மற்றும் ஜெகன் கவிராஜ் ஆகியோர் பாடல்களை எழுதியுள்ளனர்.
சிலந்தி வலையில் மாட்டிக்கொண்டு வெளியேறத் துடிக்கும் பூச்சிகளின் போராட்டத்தைப் போன்று படத்தின் கதை உருவாகியுள்ளது. அதற்குப் பொருத்தமாக ‘வெப்’ என டைட்டில் வைத்துள்ளனர்.
நட்டிக்கும் ஷில்பா மஞ்சுநாத் குரூப்புக்கும் நடக்கும் பூனை எலி ஆட்டம் விறுவிறுப்பாக இருக்கும்.
ஐடி தொழில்துறை வளர ஆரம்பித்த பின்பு கிழக்குக் கடற்கரை சாலையில் புதிதாக உருவெடுத்த பார், பப் கலாச்சாரத்தை மையப்படுத்தி திரைக்கதையை உருவாக்கியுள்ளார் இயக்குநர் ஹாரூன்.
பா. மகிழ்மதி
02.02.2022 3 : 30 P.M